放開

呢篇用口語會比較存神……

今朝見到葉老師打左段status同埋一篇note，我喊到收唔到聲，但係我既身份係Joy……

之後同edith傾下點先會令佢睬返我，add我個分身，但係講來講去都冇結論。

講真，我傷得佢咁深，一億句對唔住，人地只會覺得我講完之後一樣會再犯，所以講左等於冇講。佢來年唔係到教，唔做老師，實際上與我無關，我唔需要理會，但係因為冇佢就冇今日既我，我唔想放棄，呢一年都想令佢開心，出盡辦法，出錢又出力，但係其實人地見到我都已經唔開心，唔想見到我。

所以我做咩都冇用……忠於自己既感受？我一直都做唔到，edith都話佢同polly講佢唔鍾意我，咁點解我仲要做咁多野呢？我做咩都好啦，都冇辦法令佢對我改觀，而且我仲要咁鍾意佢，可能佢覺得而家走啦，佢一身鬆哂，至少唔需要對住我，傷佢心又令佢煩……

我一直會係做事之前諗下人地點睇我，但係一諗佢，就令我好煩，或許經驗話我知，我應該收手，唔應該煩住佢，令佢更加討厭我，我再add多幾多次，人地都唔會理會我，所以我唔做好過。

有時諗下諗下，人地唔鍾意我，我仲有搞咁多野，真係好犯賤，但係我真係想見到佢開心，不過人地唔想諗我背後既動機係咩，無私同自私只係一線之差，但係到而家我仲係認為，佢係前者，我係後者。

我有咩反應，人地都唔會理會我，不如真係忠於自己既感受，讀好書，或者將來佢唔會怪我既時候，會有意想不到既事發生呢！

點都好

對你不變，愛你依然